ՎԵՐԱԿԱՆԳՆՈՂԱԿԱՆ ԿԵՆՏՐՈՆ
Վերականգնողական կենտրոնը բացվել է ի շնորհիվ ԵՄ-ը բիզնեսի համար նախաձեռնության «Նորարարական տուրիզմի և տեխնոլոգիաների զարգացումը Հայաստանում» ծրագրի դրամաշնորհի:
«Սոճուտ» հանգստյան տան վերականգնողական կենտրոնում մենք օգտագործում ենք բնության բուժական հատկությունները և բժշկության ձեռքբերումները միաժամանակ։ Մենք առաջարկում ենք վերականգնողական բուժման համալիր ծրագիր ժամանակակից ֆիզիոթերապևտիկ մեթոդներով.
Էլեկտրաթերապիայի մեթոդներից կիրառվում են էլեկտրոֆորեզը և ամպլիպուլսթերապիան։
Էլեկտրոֆորեզը բուժման ֆիզիոթերապևտիկ մեթոդ է, որի դեպքում օրգանիզմի վրա միաժամանակ ազդում են մշտական հոսանքը և դեղամիջոցները: Կիրառվում է հոդերի, նյարդային, աղեստամոքսային, շնչական , սիրտանոթային համակարգի, մաշկի հիվանդությունների դեպքում։
Ամպլիպուլսթերապիան ֆիզիոթերապևտիկ բուժման մեթոդ է, որի ժաման ակ օգտագործվում են սինուսոիդալ մոդուլացված հոսանքներ: Բուժման այս մեթոդը կիրառվում է զարկերակային գերճնշման, նյարդային և աղեստամոքսային համակարգերի, հոդերի և կոնքի օրգանների բորբոքային հիվանդությունների բուժման նպատակով:
Մագնիսաթերապիան ֆիզիոթերապևտիկ բուժման մեթոդ է, որի ժամանակ օրգանիզմի վրա ազդում են մագնիսական ալիքներով, որոնց ազդեցության տակ տեղի է ունենում բջիջների ֆիզիկոքիմիական հատկությունների, հորմոնների և ֆերմենտների մակարդակների փոփոխություն, բարելավվում է նյութափոխանակությունը և բջիջների հարստացումը թթվածնով։
Այն ցուցված է հոդերի, սիրտանոթային, մարսողական, նյարդային համակարգի և ողնաշարի հիվանդությունների դեպքում։
Բուժումը գերձայնային ալիքներով ֆիզիոթերապևտիկ բուժման մեթոդ է, որի ժամանակ օրգանիզմի հյուսվածքների վրա ազդում են բարձր հաճախության գերձայնային ալիքներով, ինչը ցուցաբերում է անզգայնացնող, հակաբորբոքային, հակաալերգիկ, սպազմ հանող և ընդհանուր տոնուսավորող ազդեցություն: Հաճախ է կիրառվում քթի, կոկորդի, ականջի, մաշկի , հոդերի , ծայրամասային նյարդերի և գինեկոլոգիական հիվանդությունների դեպքում։
Ինհալյացիաները նախատեսված են շնչառական համակարգի հիվանդությունների բուժման և կանխարգելման համար, որի ժամանակ նեշնչվում է դեղամիջոցներով կամ այլ բիոլոգիական ակտիվ նյութերով, այդ թվում և աէրոզոլներով հարուստ օդ: «Սոճուտ» հանգստյան տան վերականգնողական կենտրոնում լայնորեն կիրառվում են ինհալյացիաների տարբեր տեսակներ՝ ըստ ցուցումների։
Հալոթինհալյացիան (աղի քարանձավ սեղանի վրա) հիմնված է ստորգետնյա աղի քարանձավների միջավայրի նման արհեստական միկրոկլիմայի կիրառման վրա, ինչը թույլ է տալիս մաքրել շնչական ուղիները փոշուց և վնասակար բակտերիաներից, բարելավել թթվածնով արյան հագեցումը, վերականգնել միկրոֆլորան և օրգանիզմի դիմադրողականությունը։ Հիմնական բուժիչ գործոնը օդում տարածված բնական քարի աղի չոր աէրոզոլն է։
Հլոինհալյացիան հիմնականում կիրառվում է մրսական հիվանդությունների, այդ թվում նաև դրանց կանխարգելման, բրոնխիալ ասթմայի, տրախեոբրոնխիտի, լարինգիտի, ֆարինգիտի, տարբեր ալերգիաների ( ռինիտ, դերմատիտ և այլ),մաշկի հիվանդություններ (պսորիազ, էկզեմա, կորյակներ),հիպերտոնիայի, անքնության և անհանգիստ վիճակի դեպքում։
Աէրոիոնոթերապիան իոնիզացված օդով բուժման մեթոդ է, ինչը կիրառվում է բուժական և կանխարգելիչ նպատակով բրոնխիալ ասթմայի, ալլերգիաների, քրոնիկ բրոնխիտի, նևրասթենիայի, անքնության, քրոնիկ հոգնածության համախտանիշի, գրիպի, իմունային անբավարարության և այլ իրավիճակներում։
Աէրոֆիտոթերապիայի ժամանակ մարդը ներշնչում է եթերայի յուղերի դոզավորված մակարդակները։ Այն լայն կիրառվում է սթրեսի և դրանով պայմանավորված հիվանդությունների, ինչպես նաև շնչառական համակարգի քրոնիկ հիվանդությունների բուժման համար:
Դ՛Արսենվալ։ Ֆիզիոթերապևտիկ բուժման մեթոդ է, որը դեպքում մարդու օրգանիզմի վրա ազդում են բարձր հաճախականությամբ հոսանքով: Այն թույլ է տալիս հյուսվածքները հարստացել թթվածնով, բարելավել մաշկի վիճակը, խթանել հյուսվածքների ռեգեներացիան, բարելավել նյութափոխանակությունը։ Լայնորեն կիրառվում է ճարպոտ մաշկի, կնճիռների, ակնեի և մազաթափության դեպքում։
Բուժում ոււլտրամանուշակագույն ճառագայթներով (ՈՒՄՃ) բուժման մեթոդ է , երբ օրգանիզմի վրա ազդում են ուլտրամանուշակագույն ճառագայթներով։ ՈւՄՃ սարքը սինթեզում է և ուղղում ուլտրամանուշակագույն ճառագայթների փունջը հատուկ ուղղորդիչի միջոցով դեպի ընտրված հատվածը։ Բուժման այս մեթոդը ցուցված է տոնզիլլիտի, ֆարինգիտի, ռինիտի,ադենոիդների և մի շարք այլ հիվանդություների դեպքում։
Պարաֆինաթերապիան տաքությամբ բուժման մեթոդ է , ուր տաքացված պարաֆինն օգտագործվում է որպես ջերմահաղորդիչ։ Բուժման այս մեթոդը թույլ է տալիս բարելավել մաշկի վիճակը,այն դառնում է էլաստիկ, հարթվում են մանր կնճիռներ, դադաղում են ծերացման պրոցեսները և օրգանիզմից դուրս են գալիս տոքսինները։
Թթվածնային կոկտեյլի օգտագործումը բերում է օրգանիզմի թթվածնով հարստացմանը, ինչը բարենպաստ է ազդում նյարդային համակարգի, իմունիտետի և նյութափոխանակության վրա, թույլ է տալիս բարձրացնել աշխատունակությունը և արագ հաղթահարել հոգնածությունը:
ՍՊԱ ԾԱՌԱՅՈՒԹՅՈՒՆՆԵՐ
Մերսումը ձեռքերով կամ հատուկ սարքերով դոզավորված մեխանիկական ազդեցություն է մարմնի տարբեր հատվածների վրա, ինչը թույլ է տալիս վերականգնել մկանների տոնուսը, վերացնել հոգնածությունը, բարելավել մաշկի որակը և հյուսվածքների էլաստիկությունը: Մերսումից հետո լավանում է ընդհանուր ինքնազգացողությունը և տրամադրությունը:
Մեր վերականգնողական կենտրոնում բուժման մեթոդներն ընտրվում են ամեն մի հաճախորդի համար անհատական։
Հանգստացեք և կազդուրվեք՝ անցնելով վերականգնողական բուժման կուրս։
Մենք սիրով սպասում ենք բոլորին։
